Dy vajza në një shkollë të mesme në Floridën Qendrore po prisnin në një banjë, duke planifikuar të qëllonin me thika se paku 15 nxënës për të pirë gjakun e tyre, thanë autoritetet të mërkurën.
Nxënëset e shkollës së Mesme “Bartow” u arrestuan të martën dhe u akuzuan për komplot për të kryer vrasje, posedim të një arme në shkollë, si dhe për disa akuza të tjera, tha shefi i policisë Bartow, Joe Hall gjatë një konference shtypi.
Sipas zyrtarëve, vajzat 11 dhe 12 vjeçare thanë se ishin adhuruese të djallit dhe të pinin gjakun dhe do të hanin mishin e nxënësve që do të vrisnin.
Më pas, vajzat planifikonin të vrisnin veten.
Plani dështoi të martën pasi një telefonatë anonime nga shkolla njoftoi një nga prindërit e vajzave se ato ishte zhdukur nga klasa, tha Hall.
Avokati i qarkut nuk ka treguar nëse vajzat do të gjykohen si të rritura, shkruan CNN.
Hartimi i planit
11-vjeçarja kaloi fundjavën në shtëpinë e 12-vjeçares duke shikuar filmo horror. “Ato krijuan një plan për të vrarë disa nxënës” në shkollën e mesme, sipas një raporti policor. Synimi i tyre ishte që të qëlloheshin nxënësit më të vegjël në moshë se ato.
Duke përdorur thikat e mbështjella nën rrobat e tyre, plani ishte të thernin viktimat dhe t’i prisnin në fyt, thotë policia.
“Pasi nxënësit të vdisnin, ato do të prisnin dhe të hanin mishin e tyre”, thotë raporti, duke shtuar se vajzat kishin për qëllim të vrisnin 15-25 nxënës.
Vajzat më pas planifikonin të vrisnin veten me thikë. Ato shpresonin se duke vrarë shokët e tyre, “do të mund të shkonin në ferr për të qenë me satanain”.
Kur u dërguan në zyrën e drejtorit, vajzat zbuluan 4 thikat, gërshërë dhe prerës picash në rrobat e tyre.
Vajzat gjithashtu kishin një kupë nga e cila do të pinin gjakun, thanë autoritetet.
