Kryebashkiaku i natës Briken Fejzullai ka sqaruar reagimet e publikut dhe tregon mbi mesazhet që i mbërritën në telefon, pas statusit me nota kritike që hodhi në rrjetet sociale dhjetë ditë më parë për kryeministrin Edi Rama.
Marrë shkas dhe nga “paketa antishpifje” e Ramës me një fjalor të rëndë, Fejzullai shkruante se kryeministri ka qenë gjithnjë “i sinqertë” me veprimet e tij ndaj acarohet nga fjala shpifje.
“Jemi ne b*let që nuk kuptuam një m*t, ose harruam që ti ke qenë gjithmonë, ky që je sot. Një psiko-delirant pa b*thë!”, shkruante ndër të tjera kryebashkiaku i natës.
Ndërkohë, i ftuar sot në emisionin e mëngjesit në ‘Wake up’ në Top Channel, Briken Fejzullai ka sqaruar se 50% e personave që e kanë mbështetur statusin e tij vinin nga ‘facebook-u’, ndërsa pjesa tjetër me telefon ose verbalist, kryesisht nga ata që punojnë në administratën publike, pasi sipas tij shumica nuk duan të identifikohen duke bërë ‘like’.
“Kryeministri është institucion, kur je kryeministër duhet t’i dalësh për zot. Me babain Rama, me bashkëshortin Rama, me shokun Rama s’kam si të kem se nuk e kam shok.
Të bësh opozitë është detyrim civil i çdo qytetari. Në çdo kohë, nuk ka rëndësi nëse është e majta apo e djathta në pushtet”, tha ai.
