Rrjetet sociale gëlojnë me komente dhe ironi, pasi kreu i bashkisë së Durrësit deklaroi mbrëmë në emisionin ‘Opinion’ se është një ‘superman’, teksa fliste për punën dhe serinë e takimeve që zhvillon brenda një dite me banorët e qytetit bregdetar.
Kjo frazë është shfrytëzuar menjëherë në rrjetet sociale, ndërsa Dako është kthyer në një personazh ‘memesh’.
Aktori i njohur i humorit, aktualisht një nga moderatorët në emisionin ‘Stop’ në tv Klan, Gentian Zenelaj ka komentuar me ironi këtë deklaratë të Dakos.
Në një postim në ‘facebook’, Zenelaj i kujton Dakos prejardhjen e ‘superman-it’ nga një planet tjetër dhe se ekziston vetëm një i tillë në planet, siç e referojnë filmat dhe kartonët vizatimor.
Por, aktori me ironi thekson se vetëm PS ka dy të tillë.
Statusi i Zenelajt:
Nëse nuk e dini historinë e Supermenit po e them me dy fjale .Planeti Krypton po shkatërrohej dhe babai i Supermenit e vendosi bebin Supermen në një kapsulë dhe e nisi drejt planetit Tokë..dhe pastaj pak çaste më vonë planeti Krypton u shkatërrua duke shfarosur komplet racën e Supermenit….pra besohet pothuajse nga gjithë bota jonë që Supermen është i vetmi person i tillë në gjithë universin….kështu beson bota…..por ja ka fut kot…Vetëm Partia Socialiste e Shqipërisë ka nxjerrë dy deri tani..dhe kjo vetëm këtë vitin e fundit…
