Në dosjen e Prokurorisë për dosjen e ‘Avdylajve’ të arrestuar për trafik droge thuhet se është i përfshirë edhe një deputet i LSI.
Në lidhje me këtë rast ka reaguar edh kryetarja e LSI-së Monika Kryemadhi.
Kryemadhi tha se nuk ka dijeni të ketë deputet të LSI në këtë çështje të përfshirë, por sipas saj duhet të hetohen të gjithë.
“Kushdo deputet i përfshirë duhet të hetohet. Duhet të pastrohet politika. Ne duhet të arrijmë në atë stad që të mos jenë kriminelët ata që diktojnë politikanët. Unë nuk e kam këtë informacion se gjendet një deputet i LSI në dosjen e përgjimeve, por do pyes deputetët sot. Di që ka deputetë të PS të përfshirë”- tha Kryemadhi.
