Policia e Cërrikut ka arrestuar një 30 vjeçar në flagrancë ditën e djeshme nën akuzën e vjedhjes.
Mësohet se në pranga është vënë Bujar Maliqi, banues në Cërrik. Arrestimi i tij erdhi pasi, Maliqi më datë 17 prill 2016, në Cërrik, dyshohet të ketë tentuar të vjedhë me dhunë një telefon celular në pronësi të E.K., 29 vjeç, banues në Gramsh.
Nga veprimet e para hetimore, sendi i vjedhur u gjet dhe u sekuestrua në cilësinë e provës materiale, të cilat i kaluan Prokurorisë së Rrethit Gjyqësor Elbasan për veprime të mëtejshme për veprën penale “Vjedhje me dhunë mbetur në tentativë”.
