Ish-ministri i Bujqësisë, Edmond Panariti shprehet se, Shqipëria zyrtare nuk analizon as nuk raporton dhe as e mbron sigurinë e saj ushqimore.
Panariti deklaron se me zell të madh pa asnjë verifikim me ‘fake news’ të sajuara ne po ndotim ushqimin dhe bukën tonë të përditshme.
Panariti thotë se Banka Boterore dhe Autoriteti Evropian i Ushqimit po mbajnë shënime për këtë vrer dhe “po na zhytin ne klasifikimet e tyre”.
Postimi i plotë:
Edmond Panariti: Ushqimi! Po vetehelmohemi dhe veteposhterohemi nga lajme dhe institucione “fake”!
Sepse Shqiperia zyrtare as nuk analizon, as nuk raporton dhe as e mbron sigurine e saj ushqimore. Prandaj Banka Boterore dhe jo vetëm ajo po na e nxin fytyren. Nderkohe me zell te madh, pa asnje skrupull dhe verifikim, me fake neës të sajuara neper portale dhe media po e ndotim vete ushqimin dhe buken tonë të perditeshme. Po vetehelmohemi! Qytetaret janë në panik dhe te corientuar nga ky vrer i paparë viral në media!
Banka Boterore, Autoriteti Evropian i Ushqimit po e mbajne shenim këtë vrer dhe po na zhytin ne klasifikimet e tyre.. Institutet, laboratoret tashme të zbrazur nga arratia e profesionisteve janë kthyer në refugium peccatorum (strehe e mekatareve) dhe nuk shprehen! Nuk ndihen!…. As e konfirmojne dhe as e hedhin poshte këtë vrer dhe helm…Në këtë terr, po lulezojne spekullimi dhe spekulantet… U bllokuan kaq e aq ton mish me salmonele! Kush e analizoi, kush e zbuloi, kush e çertifikoi? Heshtje?!Asgje, as një analize apo dokument! U bllokuan kaq e aq litra vaj ulliri fals… Pse, si, ku, sa? Ku janë flete analizat, metodat, besueshmeria? Heshtje! Rremuja vazhdon dhe bashke me të paniku dhe pasiguria.
