Prokuroria e Romës ka nisur një proces hetimor për zbardhjen e ngjarjes së shembjes së shkallës lëvizëse në stacionin Republika të Metros së linjës A në Romë.
E gjithë zona e këtij stacioni është vënë nën sekuestrim e një grup ekspertësh po ekzaminojnë vendngjarjen si dhe imazhet e videokamerave të sigurisë.
Edhe Drejtoria e trasportit publik në Romë ka nisur një hetim të brendshëm mbi verifikimin e mirëmbajtjes së rregullt të strukturës së shkallës lëvizëse dhe pse me një deklaratë për mediat janë shprehur se të gjitha shkallët e stacioneve të metros në Romë i nënshtrohen një kontrolli periodik mujor mirëmbajtje.
Kryetarja e Bashkisë së Romës Vrigjina Raggi ka mbërritur mbrëmë në vendngjarje e për mediat është shprehur e tronditur mbi c’ka ka ndodhur.
“Shpreh solidaritet e keqardhje për të plagosurit.”-ka thënë ajo . Qyteti i Romës është në dispozicion të tyre e të familjeve për t’i ardhur në ndihmë me c’ka u nevojitet në këtë moment.”
Shembja e shkallës lëvizëse të stacionit Republika në Romë ka shkaktuar 24 të plagosur tifozë rus, njëri prej të cilëve ndodhen në gjëndje të rëndë.
Video e ngjarjes e publikuar në rrjetet sociale tregon se shkalla lëvizëse në atë moment ishte e mbipopulluar me tiozë rus e është shëmbur pjesa e poshtme e saj në afërsi të dyshemesë së metros. Mjaft persona mbetën të bllokuar në llamarinat e strukturës së shembur.
Dëshmitarët italianë në vendgjarje rrëfejnë për një grup tifozash të zhurmshëm e të dehur me birra në duar, që kërcenin mbi shkallët e metros e ndoshta mund të kenë provokuar dhe shembjen e saj.
Pak para ngjarjes majft italianë kanë denoncuar në rrjetet sociale rrëmujën në stacionin Republika të metros duke u shprehur të preokupuar për sigurinë e lëvizjes në metro.
Gjithashtu dhe Ministri i brendshëm Matteo Salvini në një intervistë radiofonike ka deklaruar mëngjesin e sotëm se “tifozat rus ishin të pirë e se janë thjesht pseudotifozë që kanë shkaktuar këtë ngjarje të rëndë.”
Ndërkohë mjaft media ruse kanë përcjellë këtë ngjarje me pikëpyetjes se si është e mundur që në Romë të shëmbet një shkallë metroje duke shkaktuar dhjetra të plagosur.
https://www.dailymotion.com/video/x6w03e0
