“Në futboll ndodhin gjëra epike,” – tha Filipe Luis. Ai mund të ketë folur në lidhje me Atletico Madrid, finaliste e Champions League, por shumë mirë mund ta ketë pasur fjalën edhe për Leicester City, kampion i Anglisë. Luis, ish-mbrojtësi i Chelsea, e bëri këtë deklaratë në prill para se Atletico dhe Real të shkonin në finalen e Milanos dhe Leicester të fitonte Premier League. E gjeti, ndodhën gjërat epike…
Ngjashmëria mes Atletico Madrid dhe Leicester është shumë e madhe, të dyja i treguan botës se mund të fitosh pa mbajtur topin, mund të fitosh me vendosjen 4-4-2, mund të fitosh pa shpenzuar dhe mund të fitosh 1-0, pafundësisht… Askush nuk kishte parashikuar se dy trajnerë me taktikë të ngjashme si Claudio Ranieri dhe Diego Simeone do të kishin qenë kaq të suksesshëm në këtë sezon. Atletico Madrid ka shkuar në finalen e Champions League Paratë – Klubet e mëdha të futbollit shpenzojnë shifra astronomike, megjithatë Leicester me koeficient 5000 fitoi Premier League dhe Atletico është në finalen e Champions League. Jo vetëm kaq, të besuarit e Simeone nisen si të barabartë me Real Madrid. Sipas “Deloitte Money League”, që klasifikon klubet më të pasura të planetit, Atletico Madrid fitoi 180 milionë euro në sezonin 2014-15, ndërsa Leicester fitoi 130 milionë euro.
Fitimet e Atletico dhe Leicester as që mund të krahasohen me ato të Real Madrid (555 milionë euro) të Barcelona (540 milionë euro), Manchester United (500 milionë euro), Bayern Munich (455 milionë euro) dhe Manchester City (445 milionë euro). Atletico është në vendin e 15-të të klubeve më të pasura në botë, ndërsa Leicester nuk futet as në “Top 20”. Atletico Madrid ka shkuar dy herë në finale në tre vitet e fundit Fitoret 1-0 – Ky është rezultati i preferuar i Leicester që më shumë se çdo skuadër tjetër në Premier League ka fituar minimalisht, shtatë herë. Atletico ka fituar 10 herë me rezultatin 1-0, më shumë se çdo ekipi tjetër në La Liga. Ata sulmojnë më pak se ekipet e tjera pretendente, është një rrezik për dikë që kërkon ta fitojë ndeshjes, por për sa kohë kjo gjë funksionin, përse duhet ndryshuar?
Në “King Power Stadium” apo “Vicente Calderon” nuk është kusht të qarkullohet topi dhe të luhet futboll spektakolar. Leicester e ka mbajtur topin 42.3% gjatë ndeshjeve të këtij sezoni, i treti nga fundi në Premier, vetëm Sunderland dhe WBA kanë bërë më keq. Atletico është në mesin e renditjes së La Liga në këtë aspekt, me vetëm 48.48% të qarkullimit të topit. Renditja e La Liga Në ndeshjen e humbur 2-1 kundër Arsenal, Leicester e mbajti topin 27.95%, ndërsa Atletico Madrid, në humbje 2-1 ndaj Barcelonës e qarkulloi topin 28.81%. Megjithatë ka pasur edhe fitore si në ndeshjen ndaj West Ham, ku Leicester fitoi edhe pse e mbajti topin vetëm 30.15%. Atletico fitoi derbin e Madridit në muajin shkurt, duke e qarkulluar topin 31.26%.
Claudio Ranieri, trajneri i Leicester Skema – Atletico Madrid dhe Leicester nuk ndjekin modën me 4-2-3-1 apo 4-3-3, por bazohen te vendosja klasike 4-4-2. Kjo patjetër që kërkon më shumë punë nga futbollistët e krahut, por në këtë sezon ata janë përgjigjur mirë. Koke dhe Saul Niguez bëhen disa herë mbrojtës krahu te Atletico Madrid, ndërsa te Leicester po shkëlqejnë Riyad Mahrez and Marc Albrighton. Mahrez u shpall lojtari i vitit në Premier Leauge. Diego Simeone, trajneri i Atletico Madrid Golat – Atletico ka shënuar 60 gola në këtë sezon, sulmi i tretë më i mirë në La Liga. Leicester ka shënuar 64 gola, sulmi i tretë në Premier League. Nuk kanë nevojë të shënojnë më shumë sepse nuk pësojnë.
Atletico Madrid ka pësuar vetëm 16 gola në 36 ndeshje të luajtura në La Liga, një rekord i jashtëzakonshëm, i vënë edhe nga 23 ndeshje pa pësuar gol. Riyad Mahrez, lojtari më i mirë i Manchester City Leicester ka pësuar 34 gola në 36 ndeshje, por ata e fituan titullin me paraqitjen në mars dhe prill ku fituan pesë ndeshje radhazi pa pësuar gol. Wes Morgan dhe Robert Huth kanë qenë luftëtarët e Leicester kampion i Anglisë, ndërsa Godin dhe Jose Gimenez janë shtyllat ku do të bazohet Simeone për të mundur Real Madrid në finalen e Champions League.
