Mbrëmjen e djeshme, ish-kryeministri Sali Berisha ishte i ftuar në emisionin ‘Open’, përballë një paneli gazetarësh. Qëndrimi që këta të fundit mbajtën ndaj Berishës, nuk i pëlqeu këshilltarit për media të kryeministrit Rama, Endi Fuga.
“Kur ju shoh se si squlleni per inerci perballe Saliut, jam shume krenar qe e nxorrem ne pension kete vjetersire komuniste! 100 here me mire mosmiresjellja juaj ndaj Kryeministrit te sotem, sepse tregon se jeni krejt te lire edhe pse s’jeni hiç etike😊”, shkrun Fuga në rrjetin social Twitter.
Nuk dihet nëse Fuga e ka pasur me të tre gazetarët (katër duke përfshirë edhe drejtuesen e emisionit), por duket se ka harruar se një prej të pranishmëve në studio ishte Alfred Peza, ky i fundit prezantohet si gazetar në studiot televizive, por mban edhe postin e Sekretarit për marrëdhëniet me Shoqërinë Civile dhe mediat në Partinë Socialiste.
