Ministri i Brendshëm, Fatmir Xhafaj, thotë se mosarrestimi i Klement Balilit dhe Lul Berishës nuk erdhi si rrjedhojë e dekonspirimit të operacionit. Xhafaj thotë se për aksionet e zhvilluara pasditen e djeshme, ku në pranga u vunë edhe dy ish-deputetë të PS, nuk ka pasur rrjedhje informacioni.
“Aksion shembullor i forcave policore në operacion e veçanërisht Njësisë Operacionale, FNSH Shkodër e Fier&RENEA e DVP. Disiplinë e profesionalizëm i lartë & mbi të gjitha konfidencialitet total! Disa ditë aksion&ASNJË rrjedhje informacioni për rreth 100 urdhëra kontrolli të ekzekutuar! FALEMINDERIT!”, shkruan Xhafaj në Twitter.
