Një ndër meshkujt më joshës të showbizit shqiptar, Alesio Aliaj ka rrëfyer se ka patur një raport intim me një deputete të Kuvendit të Shqipërisë.
I njohur si model dhe organizator eventesh për shumë emra VIP, Alesio e ka shfrytëzuar famën edhe për lidhjet e tij të shumta me femrat. Ashtu si një “xhentlemen” i vërtetë, modeli i kursen detajet, ndonëse nuk ka nguruar të tregojë se mes femrave të shumta që ka futur në shtrat është edhe një deputete e Kuvendit të Shqipërisë.
Lajmi ishte një nga më sansacionalët e muajit, por me gjithë përpjekjet e gazetarëve për të zbuluar emrin e politikanes që ka pasur raporte me modelin, ai refuzon ta tregojë. “Emrat e femrave me të cilat shkoj në shtrat i harroj gjithmonë në orën 1 të natës”, shprehet Alesio për “Bluetooth”, ndërsa tregon se për të pak rëndësi ka statusi, puna apo profesioni i femrave që i afrohen.
Ndonëse ky fakt duket si një klishe i donzhuanëve, Alesio rrëfen se nuk është aspak i tillë. “Natën me një femër nuk e shoh thjesht si një proces seksi. Çdo raport e ka edhe pjesën e romancës”, tregon modeli. I pyetur nëse përvojat e tij me politikanet kanë qenë më romantike se sa të tjerat dhe nëse deputetja me të cilën pretendon se ka fjetur ka qenë e ndjeshme, ai thotë se, “normalisht është romantike, duke qenë se pas seksit janë përkëdhelitë, përqafimet, të cilat nuk mund t’i bësh nëse personi tjetër është i ftohtë. Por, nuk ka qenë ky rasti. Sigurisht që ka ekzistuar edhe pjesa romantike”.
Por, a janë frikësuar politikanet shqiptare nga deklaratat e modelit dhe a e kanë kërcënuar të heshtë? Alesio përgjigjet se, menjëherë pas intervistave është larguar nga Shqipëria dhe nuk ka pasur më asnjë kontakt. “Kam qëndruar për një muaj në Miami dhe tani jam në Australi. Nuk kam pasur kontakte dhe të jem i sinqertë as e kam hapur telefonin për shkak të punëve të shumta. Gjithsesi nuk kam marrë kërcënime dhe nuk besoj të marrë”.
Megjithatë, të jesh një djalë i adhuruar nga femrat ka sigurisht shumë anë pozitive, por kjo medalje ka edhe anën e saj të errët. “Më ka përndjekur një femër”, tregon Alesio, teksa e konsideron si një nga situatat më të vështira që ka kaluar ndonjëherë me një vajzë. “Në fillim e pëlqeja unë, por më pas ajo u bë aq posesive, xheloze dhe vazhdonte të më përndiqte me letra, telefonata, pa pushim. Ishte e çmendur dhe u bë situatë e padurueshme”, rrëfen modeli. “E vetmja mënyrë për ta hequr qafe ishte injorimi i vazhdueshëm. Qëndroja indiferent”, tregon në përfundim Alesio. Aktualisht modeli ndodhet në Australi, ku po merret me impenjimet e tij të biznesit, ndërsa thotë se shumë shpejt do t’i kthehet punës edhe në Tiranë
