Në videon e dytë të publikuar duket kamarieri i lokalit “De Niro”, ku u ekzekutua Elton Çiço, i qetë në fillim kur pa vrasësin teksa po hynte brenda në lokal. Më pas ai u largua i tmerruar pasi qëlloi me dy plumba në kokë Çiçon.
“Mu krijua përshtypja se ishte shitës cigaresh apo shpërndarës picash. Jam larguar me vrap sapo dëgjova krismën e parë në lokal. Ika me shpejtësi dhe gjatë vrapimit jashtë lokalit jam rrëzuar, duke menduar se më ka qëlluar dhe mua…”, kështu e ka nisur dëshminë e tij para oficerëve të policisë kamarieri i lokal “De Niro”, i cili thirret nga klientët me emrin Xhino.
I riu ka qenë ngjitur në banak, kur ka vënë re hyrjen me qetësi të personit që ka qëlluar dy herë me armë mbi Elton Çiçan, duke e lënë të vdekur në vend. I tronditur, ai është larguar në drejtim të daljes së lokalit dhe ka vrapuar, por papritur është rrëzuar dhe ka menduar se është qëlluar nga autori. Ndërkohë që ka vënë re se edhe persona të tjerë vraponin për tu larguar.
Në polici ai ka treguar se në momentin kur autori i krimit ka hyrë në lokal, atij i ka lënë përshtypjen e një personi që shet cigare apo një personi që shpërndan pica, pasi dhe veshja ishte e thjeshtë. Më tej ai ka shtuar se nuk ka parë armën dhe është larguar, por vetëm kur ka dëgjuar krismën e pistoletës është larguar në mënyrë të menjëhershme.
Ja si duket kamarieri në momentin kur vrasësi futet brenda në lokal:
https://www.youtube.com/watch?v=vfXLtMhGdQ8
