Policia e Durrësit ka vënë në pranga dy shtetas të cilët ishin shpallur në kërkim ndërkombëtar nga drejtësia italiane pasi janë dënuar për veprën penale “Grup i strukturuar kriminal në Trafikimin e lëndëve narkotike”.
Sipas policisë në pranga u vunë Hajri Balla 53 vjeç, banues në Rreth, Shijak, pasi Gjykata e Venecies ka nxjerrë urdhër Arresti Nr. 11578/12, datë 15.08.2015, për veprën penale ”Trafikim i lëndëve narkotike” parashikuar në nenet 10, 73, 74 të Kodit Penal Italian. Fortuz Hajri 24 vjeç, banues në Pjezë, Shijak, pasi Gjykata e Venecies ka nxjerrë urdhër Arresti Nr. 11845/12 RG GIP datë 15.08.2015, për veprën penale “Grup i strukturuar kriminal në Trafikimin e lëndëve narkotike” parashikuar në nenet 73, 74, 77 të Kodit Penal Italian.
