Deputeti i PS-së, Eduart Ndocaj i njohur në rrethin politik dhe mediatik si “Kaubojsi” ka deklaruar pasurinë në ILDKP për vitin 2015.
Me dhjetra apartamente, troje, huamarrje, transaksione në qindra mijëra euro, Ndocaj deklaroi pasurinë e akumuluar vetëm për vitin e kaluar.
Ja cila është pasuria e Ndocaj vetëm për vitin 2015 të deklaruar në ILDKP:
- Ka deklaruar 14 apartamente në Shëngjin me sipërfaqe 725,92 m2, me një vlerë 23,580,220 lekë.
- Një shtëpi private në Sarandë, me sipërfaqe 600 m2, plus 1200 m 2 truall, me vlerë 100 mijë euro.
- Dy dyqane në Lezhë me sipërfaqe 259 m2, me vlerë 10,360,000 lekë,
- Një tjetër apartament në Lezhë me sipërfaqe 69 m2, me vlerë 2,000,000 lekë
- Dy një apartamente në Tiranë me sipërfaqe 320,30 m 2 dhe 94.3 m2, si dhe një bodrum me sipërfaqe 666 m2, me vlerë 496 mijë euro.
- Dy apartamente në Itali me sipërfaqe 480 m2 dhe 180 m2, me vlerë 650 mijë euro dhe 300 mijë euro.
