Një person ka humbur jetën sot në fshatin Gur i Zi në Shkodër, si pasojë e një aksidenti. Viktima, Njac Rroku, është rreth 65 vjeç. Burri i plagosur rëndë u transportua për në spitalin e Shkodrës, por nuk arriti t’u mbijetojë plagëve.
Njac Rroku ishte duke drejtuar një motorçikletë kur u përplas nga një makinë. Drejtuesi i mjetit e ka dërguar në spital, por motoçiklisti ka ndërruar jetë.
Policia ka shkuar në vendin e ngjarjes dhe po heton shkakun e aksidentit.
