Edhe dy javë na ndajnë nga mbarimi i afatit të aplikimit për Lotarinë Amerikane, ndaj edhe ambasada e SHBA-ve ka njoftuar të gjithë të interesuarit të bëjnë pyetjet e tyre. Siç shkruan ambasada të gjitha pyetjet do të marrin përgjigje sot në orën 15:00.
“Bëhuni gati të postoni pyetjet tuaja mbi Lotarinë Amerikane, sot në orën 15:00. Personeli i Konsullatës do t’ju përgjigjet në kohë reale mbi çdo gjë që duhet të dini mbi aplikimin e Lotarisë Amerikane”, shkruhet në postimin e ambasadës.
Kujtojmë se regjistrimi elektronik për lotarinë DV-2020 filloi të mërkurën, më 3 tetor 2018 në mesditë 12:00, dhe do të mbyllet të martën më 6 nëntor 2018, në mesditë.
