Ministri i Brendshëm, Fatmir Xhafaj u ka komunikuar sot gazetarëve dhe medias se gjatë këtyre ditëve pritet të bëhen publike lajme interesante.
Në një konferencë të përbashkët me presidentin e policisë federale të policisë gjermane, Xhafaj u kërkoi gazetarëve që të jenë të vëmendshëm këto ditë, pasi priten zhvillime, por pa dhënë detaje se për çfarë bëhet fjalë konkretisht.
“Do ju jap një këshillë, që të rrini afër me Bitën dhe Gentin (zëdhënësi ) se do kemi lajme interesante, kjo pasi kur bashkëpunohet ka edhe gjëra të mira”, u shpreh ministri Xhafaj, në mbyllje të fjalës së tij.
Ndërkohë, Roman, zyrtari i lartë gjerman deklaroi se në Tiranë pritet të mbërrijë një tjetër ekspert i nivelit të lartë që do të ndihmojë koordinimin dhe konsolidimin të mëtejshëm në kuadër të projekteve të ndryshme.
Kujtojmë se që prej vitit 2013, në Tiranë vijon të qëndrojë një oficer tjetër ndërlidhës mes Shqipërisë dhe Gjermanisë
