Një çift vodhi foshnjën nga barku i një nëne shtatzënë pasi e lidhën atë në një pemë duke e vrarë të renë.
Trupi i Mara Cristiana da Silva, 23 vjeçe (në foton poshtë), e cila ishte shtatzënë në muajin e tetë, u gjet dje në pyll pranë Joao Pinheiro, në juglindje të Brazilit.
Gruaja e akuzuar për vrasjen e saj, Angelina Rodrigues, ‘gjithmonë ëndërronte të kishte një vajzë të vogël’, sipas një të afërmi.
Sipas njoftimeve, mjekët në spitalin lokal të Sao Lucas njoftuan policinë të hënën pasi Rodrigues mbërriti në spital me një fëmijë të porsalindur duke pretenduar se ishte i saji.
Mjekët ngjallën dyshime pasi 40 vjeçarja ecte normalisht e “pa shqetësuar” siç ndodh me gratë kur lindin. Ajo nuk pranoi t’i nënshtrohej kontrolleve mjekësore.
Pas zbulimit të trupit të zonjës Da Silva, policia arrestoi Rodriguesin së bashku me bashkëshortin e saj Roberto Gomes da Silva.
Rodrigues më vonë pranoi se mori gruan e re dhe e lidhi atë me tela me gjemba në një pemë dhe më pas i preu barkun për t’i marrë fëmijën.
“Ne besojmë se burri dhe një person i tretë morën pjesë në krim, por gjithçka do të zbulohet pas një hetimi policor. Testet tregojnë se Angelina nuk është shtatzënë dhe ne besojmë se krimi ishte i paramenduar”, tha një zëdhënës.
Halla e viktimës, Euza Ribeiro, tha se autorja e krimit u afrua shumë me 23 vjeçaren pasi mori vesh se ajo ishte shtatzënë me një vajzë.
“Prej atij momenti, gruaja i ofronte ndihmë 23 vjeçares duke i dhënë edhe para për të blerë çdo gjë që fëmija kishte nevojë“.
Sipas policisë, trupi i zonjës Da Silva u gjet i lidhur me një pemë me tela me gjemba rreth qafës së saj dhe një prerje në bark.
Foshnja është nën kujdes në spitalin e Sao Lucas në Patos de Minas, pasi ka një prerje të vogël në kokë që besohet se ka ardhur gjatë çarjes së barkut të nënës. Zonja Da Silva u varros sot.
