Dy adoleshentë të dashuruar dyshohet se kanë kryer vetëvrasje në shtetin Tamil Nadu në Indi, raportojnë mediat vendase duke cituar burime zyrtare nga policia.
Të dy ishin 18-vjeç dhe i takonin komuniteteve të ndryshme, raporton “The Indian Express”.
Djali ndiqte studimet “Bachelor” për shkenca kompjuterike në Bengaluru, ndërsa vajza ndiqte studimet për administrim bizsesi në Thiruchengode.
Prindërit e tyre, të cilët ishin në djeni për marëdhenien e të rinjve, i kishin këshilluar që të përqendrohen në studimet e tyre.
Të enjten, ata u larguan drejt kodrave Yercaud në Mookanurkadu, një qendër turistike, ndërsa prindërve u thanë se do të shkonin në dasmën e një shoku.
Ata qëndruan në një shtëpi pritëse atje dhe nuk u kthyen për darkë në banesat e tyre. Ka qenë një punëtor ai i cili gjeti trupat e pajetë të të rinjve, të varur në dhomë, bëri me dije policia.
