Albert Veliu, i njohur ndryshe si “Babalja” i pyetur nga gazetarja Eni Vasili nëse është paguar nga dikush për audiopërgjimin ka thënë se nuk ka marrë as 10 lekë dhe se jeton me asistencën e azilit.
Eni Vasili: Ai thotë që ju i kishit premtuar 100 mijë euro nga 200 mijë euro që secili do ndante.
Albert Veliu: As që bëhet llaf. Unë në jetën time me lekë nuk me ka blerë njeri. Vajta 51 vjeç dhe s’më ka blerë bir nëne me leke. Unë kisha historinë me x-in, me kishte detyrime për burgun që bëra. Më ktheu kurrizin, më la fëmijet rrugëve dhe e ktheva monedhën. Këtu nuk ka asnjë lloj politike. As Olldash, as Salianj, as Rama, as me Xhafajn nuk kam gjë. Une e kam të gjithë me atë se më ktheu kurrizin. Më la të vuaja burgjeve dhe më la fëmijet rrugëve. Dhe vetë ngrinte pallate, u bë kapobande e ….
Eni Vasili: Tani edhe njëherë. Qendrojmë tek 100 mije euro. Ju thoni që nuk ka asnjë, as 100, as 200? A ju ka paguar njeri?
Albert Veliu: Nuk është e vertete, janë genjshtra.
Eni Vasili: A ju ka paguar njeri për këtë regjistrim?
Albert Veliu: As edhe nje 10 lekshe. Une kam ardhur në Kosovë që të më besoni me 300 euro. I keni të rregjistruara në polici. Dhe ha bukë në azil. Ha bukën e azilit, dhe tani që jemi bashkë po të nxjerr xhepin, jam me 4 euro në xhep. Asistenca e azilit.
