Një shpërthim i fuqishëm ka ndodhur gjatë natës së sotme në selinë e “Lega Nord” në Ala të Trentinos jugore, ndërsa ditën e sotme pritej që të shkonte për një vizitë lideri i partisë Matteo Salvini për fushatën zgjedhore.
Nga hetimet paraprake dyshohet se shpërthimi ka ardhur nga një bombë artizanale, dy përgjegjësit e të cilës u identifikuan ndërkohë policia po punon për kapjen e tyre.
Menjëherë ka reaguar edhe kreu i parties, njëherazi ministri i Brendshëm italian, Matteo Salvini, i cili tha se përsonat që vunë bombën ishin anarkistë.
“Ishin anarkistë. Unë jam krenar për policinë dhe për militantët tonë të jashtëzakonshëm që kanë pastruar çdo gjë tanimë. Disa individë duan që të reagojnë me dhunë, por kjo nuk do të ndalojë buzëqeshjen tonë. Pasditen e sotme unë do të jem në Trentino Alto Adige për të përqafuar të gjithë të pranishimit. Mirënjohje për policinë…”, tha Salvini.
Ky është rasti i tretë i dhunës në tre muaj i shpërthimeve me bombë, ku bomba e parë shpërtheu më 16 gusht në selinë e Lega në Treviso, ndërsa e dyta më 30 shtator, por u arriti që të neutralizohej në kohë nga forcat policore.
