Ajo është sot një nga modelet shqiptare më të famshme, që ka qenë pjesë e kopertinave më të njohura të revistave botërore, “Vogue”dhe “Elle”.
Por për Emina Cunmulaj, suksesi nuk ka qenë aq i lehtë. Ajo tregoi në një intervistë për “Xing me Ermalin”, se dikur ka mjelë edhe lopë. Emina ka lindur në SHBA, dhe pas disa viteve aty është kthyer në vendlindjen e prindërve, në një fshat të Shkodrës.
Modelja tregoi se gjatë moshës 11-12 vjeçare i është dashur të mjelë lopë si pjesë e punëve të fshatit që bënte gjithkush.
“Gjithmonë thoja: A do të vijë ajo ditë që të iki, mos tua ndiej erën lopëve”, u shpreh Emina.
Emina e cila sot jeton në SHBA me bashkëshortin miliarder dhe dy vajzat, tregoi se sot di 6 gjuhë, përfshi shqipen. Ajo ka dalë 15 vjeçe nga shtëpia për të ndjekur ëndrrat.
Ermal Mamaqi: A ke nostalgji për jetën në fshat? Çfarë bënit atëherë në fshat?
Emina Çunmulaj: Jetë katundarësh. Zgjohesha në mëngjes milja lopët më pas i çoja në livadh. Kur kisha 9 lopë e kisha të vështirë dhe ndërkohë që i milja mendoja: O Zot a do vijë ajo ditë që do të iki dhe mos t’i ndjej erën këtyre lopëve. Tani kur ndjej erën e lopëve më vjen të vjell.
Ermal Mamaqi: A të ka gjuajtur lopa me shkelm?
Emina Çunmulaj: Jo, por me bisht po më ka gjuajtur dhe është më keq se shkelmi. Ti ndoshta nuk e di se si dhemb kjo, por çdo katundar që më shikon tani e ka parasysh se çfarë po flas.
Ermal Mamaqi: Sa vjeç ishe kur milje lopët?
Emina Çunmulaj: Kam qenë 11 ose 12 vjeç.
Ermal Mamaqi: Tani që ka ndryshuar jeta jote çfarë bën?
Emina Çunmulaj: Tani i shikoj lopët në fotografi dhe i them vajzës kjo është lopa.
