Gazetari Klodian Tomorri ka reaguar sa i takon transmetimeve të reklamave të kompanive të basteve nga ana e Televizionit Publik, pavarësisht paralajmërimit të bërë një ditë më parë nga kryeministri Edi Rama.
Në një status në rrjetin social Facebook, Tomorri thotë se teknikisht kryeministri ka rënë, pasi sipas tij, kur kryeministri i një vendi nuk ka më autoritet as në sektorin publik, ka vetëm një zgjidhje të dorëhiqet sepse mungesa e autoritetit e bën atë një barrë të madhe për vendin.
“A ka me autoritet kryeministri?
Dje paradite kryeministri u la 24 ore kohe mediave qe te hiqnin menjehere reklamat e kumarit.
Sot ne darke, 12 ore pas skadimit te ultimatumit, Televizioni Publik Shqiptar transmetoi 5 minuta reklame te nje kompanie bastesh.
Teknikisht kryeministri ka rene. Kur kryeministri i nje vendi nuk ka me autoritet as ne sektorin publik, ka vetem nje zgjidhje: Te dorehiqet sepse mungesa e autoritetit e ben ate nje barre te madhe per vendin”, shkruan Tomorri.