Kryetari i Partisë Demokratike, Lulzim Basha e ka konsideruar si gënjeshtër të rradhës deklaratën e kryeministrit Edi Rama per reformën në drejtësi.
“Gati PS të votojë që këtë javë? Ka 2 vjet që gënjen. A nuk u tha të njëjtën gjë dhe Fules, Junckerit, Merkelit, Mogherinit, Kerryt, Hahnit?! Për 2 vite Edi Rama e vonoi, zvarriti dhe sabotoi me qëllim çdo perpjekje për një reformë të mirëfilltë në drejtësi që lufton dhe nuk mbron krimin dhe korrupsionin”, thekson Basha.
“Partia Demokratike ka luftuar dhe do luftojë, mbrojë dhe votojë një reformë në drejtësi që jep drejtësi dhe dënon krimin dhe korrupsionin e lidhur pandashmërisht me qeverinë e ketij që në 2 vjet ju vodhi 2.2 miliard euro shqiptareve”, tha më tej ai.
Kryeministri Edi Rama më heret është shprehur në statusin e tij ne Facebook pas dakordimit në komisionin e reformës në drejtësi ku ishin edhe ambasadorët Donald Lu dhe Romana Vlahutin. “Asnjëherë më dakord se sot me ambasadoret e SHBA-BE! Koha e ballos me maska po mbaron. PS gati të votojë që sot Reformën në Drejtësi”, shkruajti Rama.
