Kreu i PD-së, Lulzim Basha ka prezantuar sot platformën zgjedhore, me synimin kryesor sipas tij, clirimin e zgjedhjeve nga krimi, nga shitblerja e votës dhe korrupsioni si dhe nga kapja shtetërore. Basha ka theksuar katër pikat kryesore të kësaj platforme, që nisin me dekriminalizimin e procesit zgjedhor, brenda së cilës është pjesë kryesore dhe shumë e rëndësishme është edhe vetingu në politikë.
“Së dyti, sistemi i masave kundër shitblerjes së votës, e cila është evidentuar si problemi kryesor në raportin e OSBE-ODIHR. Blerja e votës, jo vetëm do të konsiderohet korrupsion zgjedhor, por kërkon një sërë masash që duhet të nisin që në gjenezën e procesit të blerjes së votës, jo pak javë para, por deri në 12 muaj para zgjedhjeve. Së treti, financimi i partive, financim shtetëror 100% i fushatës, ndërkohë që kompanitë që financojnë partitë e kandidatët të përjashtohen nga tenderat e koncesionet. Dhe së katërti, përdorimi i teknologjisë në votim, numërim dhe votim elektronik”– tha Basha.
Sipas tij, me pare duhen zgjidhur keto ceshtje kaq thelbesore, e me pas mund te kalohet ne detaje, si parlament me dy dhoma dhe ulje e numrit te deputeteve, nga 140 ne 100 deputete.
