Kryeministri Edi Rama, nga mbledhja e grupit parlamentar të PD, ka reaguar në lidhje ngjarjet e renda që kanë ndodhur në vend kohët e fundit. Rama ka bërë një krahasim të shifrave të vrasjeve në kohën kur qeveriste PD dhe tani që qeverisë ai vet.
Rama deklaroi se vrasjet janë ulur. Më pas ai ka komentuar dhe dy akuzat që ka bërë opozita në lidhje me Xhafën dhe Ballën, duke i quajtur shpifje.
PJESË NGA DEKLARATA
Kaq shumë nuk u punon kujtesa, sa që Shqipëria e 97 vrasjeve në vitin 2010 nuk u bën përshtypje. Por sot që janë përgjysmuar vrasjet, nuk i shohin këta dollibashë. Të thuash sa të duash që në Tiranë u vranë 31 persona, u vranë më pak. Avazi vazhdon në dritaret e SHQUP-it, dhe jehon në kanal më kanal e portal më portal.
Nga viti 2005 në vitin 2013, u sekuestruan 27 milionë, nga 2013 deri më sot u sekuestruan 5 herë më shumë, ne jemi të lidhur me krimin dhe ata qëndruan ta çlirojnë zinxhirin. Ne në 11 muajt e fundit, kemi sekuestruar 16 milionë euro, jemi të lidhur me krimin. Në këtë periudhë është marrë ofensiva me e madhe nga Forca e Ligjit.
Veten nuk po e përmend pasi i bie që të përmendësh litarin, në shtëpinë e të varurit. Shpifje me e madhe ndaj një ministri dhe një shpifje ndaj kryetarit të grupit parlamentar. U sajuan në dy zyra shteti, e sajuan me një trafikant të degraduar në rrugët e Vlorës.
