Këtë të hënë kryeministri do mbajë fjalën në mbledhjen e grupit parlamentar të Partisë socialiste, të cilën duket se ka me shumë merak, pasi gjithë administrata ka marrë sot një mesazh në celular, ku u thuhet të shpërndajnë sa më shumë lidhjen live të Ramës si edhe të bëjnë sa më shumë komente.
Punonjësit e administratës madje paralajmërohen se i gjithë angazhimi i tyre do të bëhet me supervizim dhe në fund do paraqitet edhe një pasqyrë e punës së kryer.
“Të hënën ora 10.00, Kryetari Rama do ketë një fjalë në mbledhjen e Grupit. Duhet të organizohemi me të gjithë digjitalet në çdo cep për një shpërndarje sa më të madhe dhe sa më shumë interaktivitet. Interaktivitet nuk do të thotë vetëm 1, por të gjithë (TË GJITHË ) duhet të bëhen pjesë e bashkëbisedimit me komentet përkatëse. Sekretari digjital Beqja do të komunikojë edhe me rrjetin. Do jetë një ushtrim i rëndësishem të shohim ku jemi. Në fund do të kemi një pasqyrë ku jemi sepse do të jetë me supervizim.”, thuhet në mesazh.
Rast flagrant ky, i përdorimit të punonjësve të administratës, në shërbim të propagandës qeveritare.
