Mazhoranca në qeveri ka miratuar ditën e sotme shtimin e fondeve për procesin e vettingut.
Pas këtij votimit në Kuvend, ka reaguar Partia Demokratike.
Në një deklaratë nga selia blu thuhet se, PS vendosi të shtojë fondet për procesin, 1 vit pasi e ka kërkuar opozita.
Deklarata e Partisë Demokratike:
PS miraton me një vit vonesë amendamentet e opozitës për të mos iu shkurtuar fondet organeve të vettingut.
Partia Socialiste refuzoi një vit më parë amendamentet e opozitës për të miratuar pa asnjë shkurtim kërkesën e organeve të vettingut për burime njerëzore.
Ishte vendim i Edi Ramës që të shkurtonte me 40 % numrin e këshilltarëve dhe stafit ndihmës të organeve të vettingut.
Sot, një vit më vonë Edi Rama u kthye tek amendamentet e opozitës. Për të mbuluar faktin se u bë pengesë qëllimisht për funksionimin e shpejtë të organeve të vetingut, nxiti Taulant Ballën të shpifë kundër opozitës.
Qeveria e Edi Ramës nuk mund të mbulojë lidhjet me krimin e organizuar me përbetimet e dashurisë ndaj Reformës në Drejtësi, zbatimin e të cilës po e vonon prej 2 vjetësh.
Opozita nuk ka kërkuar dhe nuk do të kërkojë kurrë Pazar me Edi Ramën!
7 pikat e platformës së opozitës kishin për qëllim vetëm zbatimin e Kushtetutës.
?Edi Rama nuk e do këtë, sepse është përkrah bandave dhe është armiku kryesor i shtetit ligjor.
