Një 32-vjeçar nga Shkodra është proceduar penalisht pas kallëzimit bërë ndaj të tij për përndjekje, nga një vajzë.
“U referuan materialet në Prokurorinë pranë Gjykatës së Shkallës së Parë Shkodër, për shtetasin S.Gj., 32 vjeç, banues në Shkodër, për veprën penale Përndjekja, e parashikuar nga neni 121/a i Kodit Penal”, bënë me dije burime zyrtare nga komisariati i policisë së qytetit, këtë të martë.
Burime policore thanë se vajza është paraqitur në komisariat dhe ka kallëzuar 32-vjeçarin se e përnbdiqnte prej kohësh. Situata ësjtë bërë e padueshme, mësohet të jetë shprehur vajza, e cila ka kërkuar ndihmën e policisë për të mos u besdisur më nga 32-vjeçari.
Pas kallëzimit, ndaj këtij të fundit nisi procedimi penal në gjendje të lirë.
