“Është një ditë historike për Kosovën, e cila tashkmë është zyrtarisht pjesë e UEFA-s. Kombëtarja, e cila deri tani kishte zhvilluar vetëm ndeshje miqësore, tashmë mund të marrë pjesë dhe të garojë në kompeticionet e ardhshme të UEFA-s. Por cili do të jetë formacioni i ardhshëm i përfaqësueses më të re në UEFA?!”, kështu e ka përshkruar dhe cilësuar këtë moment kaq të rëndësishëm edhe vetë portali i njohur “Goal.com”, në versionin e tij italian. Pikërisht ky portal, duke njohur temën e nxehtë që pason vendimin e ditës së sotme, ka publikuar formalisht atë që sipas tij do të ishte formacioni i Kosovës, duke numëruar plot 9 futbollistë të cilët largohen nga kombëtaret që kanë përfaqësuar deri më tani.
Sot festohet pranimi i Kosovës në UEFA me të drejta të plota. Deri më tani, trajneri i kombëtares kosovare, Albert Bunjaku ka aktivizuar më së shumti futbollistë të pagrumbulluar nga përfaqësuese të tjera, me përjashtimin e vetëm, portierin Saimir Ujkani. Kapiteni dhe gardiani i portës së përfaqësueses së Kosovës, zgjodhi të lërë Kombëtaren Kuqezi në vitin 2014, për Kosovën. Por, nga sot hapet një kapitull i ri, dhe të gjithë ata që deri tani kanë veshur fanellat e përfaqësueseve të tjera, mund të zgjedhin të luajnë për kombëtaren kosovare. Rezultati formal mbi letra, është një formacion që të imponon respekt. Deri tani Kosova ka luajtur vetëm miqësore, ndërsa tani e tutje mund të marrë pjesë në eventet e UEFA-s. Ky është formacioni që nuk do të bënte një figurë të keqe në Euro 2016.
Samir UJKANI (Shqipëri) – Debutoi me Kosovën në vitin 2014, duke qenë aktualisht kapiteni dhe futbollisti më përfaqësues i kombëtares.
Taulant XHAKA (Shqipëri) – I lindru në Zvicër nga prindër me origjinë kosovare, do të jetë një prej titullarëve të Shqipërisë në Euro 2016.
Lorik CANA (Shqipëri) – Kapiten i Shqipërisë, ka lindur pikërisht në Gjakovë të Kosovës.
Necip UYSAL (Turqi) – Talent i Besiktas, ka pasaportë turke por me origjinë kosovare.
Valon BEHRAMI (Zvicër) – I lindur në Mitrovicë të Kosovës, por i rritur në Zvicër duke numëruar më shumë se 60 ndeshje me përfaqësuesen helvete.
Blerim DZEMAILI (Zvicër) – I lindur në Maqedoni, përfaqëson ngjyrat e zvicrës, por ka origjinë kosovare. Një prej futbollistëve më të përfolur që prej vitit 2014.
Granit XHAKA (Zvicër) – Vëllai i Taulantit dhe ylli i përfaqësueses zvicerane, ka prindër me origjinë kosovare, të cilët u transferuan në Basel para lindjes së djemve.
Përparim HETEMAJ (Finlandë) – Mesfushori i Chievos ka lindur në Skënderaj të Kosovës, zonë e Mitrovicës.
Xherdan SHAQIRI (Zvicër) – Me pasaportë zvicerane, por i lindur në Gjilan, një prej qyteteve më të mëdha të Kosovës, është një prej futbollistëve më të famshëm dhe të ëndërruar nga tifozët.
Agon MEHMETI (Shqipëri) – Ish-sulmues i Palermos, i lindur në Podujevë, një qytet i Kosovës, në territorin e Prishtinës, por ka luajtur me fanellën e U-21 të Zvicrës dhe Shqipërinë.
Adnan JANUZAJ (Belgjikë) – Talenti i Manchester United ka lindur në Belgjikë nga prindër me origjinë shqiptaro-kosovare.
