Këngëtarja Nexhmije Pagarusha ose sic njihet ndryshe bilbili i këngës shqiptare mori statusin e qytetares me merita të veçanta për kontributin e saj në promovimin e muzikës së mirfilltë shqiptare.
Vendimi u mor dje nga qeveria e Kosovës, pas propozimit të Ministrit të Kulturës, Rinisë dhe Sportit , Kujtim Gashi.
Statusi i qytetares me merita të veçanta do të shoqërohet dhe me mbështetje financiare, siç u përcaktua në propozim, me vlerën 500 euro në muaj.
‘Nexhmie Pagarusha siç njihet në popull bilbili i muzikës shqipe, me paraqitjen e saj në shumë vende të botës bëri që karriera e saj të jetë e bujshme, duke përfaqësuar kësisoj Kosovën dhe përçuar vlerat dhe traditat e vendit tonë’ tha Ministri i Kulturës Gashi.
‘Veprat e mira nuk kanë çmim, por kultivuesit meritojnë mbështetje’ përfundoi ministri.
