Ndoshta as që e njohin njëra-tjetrën, por Wanda Icardi dhe Georgina Rodriguez kanë të njëjtin “look” në stadium.
Wanda Nara, gruaja e kapitenit të Interit, Mauro Icardi, është një nënë në karrierë me 5 fëmijë për t’u kujdesur. Ajo është gjithashtu menaxhere e burrit të saj . Këtë vit ajo është edhe opinioniste në emisionin sportiv “Tiki Taka”.
Georgina Rodriguez po kujdeset për rritjen e Alana Martinas, binjakët Mateu dhe Eva dhe për djalin e parë të kampionit portugez të Juventusit, Cristiano Ronaldo Jr.
Përveç pasionit të përbashkët për çanta luksoze, asnjëra nuk humbet asnjë ndeshje të partnerëve të tyre. Në stadium shfaqen me veshje shumë të vlerësuara nga tifozët dhe ndjekësit. Të fundit, janë shumë të ngjashme.
Wanda Icardi për të parë Inter-Cagliari në “San Siro” zgjodhi një fustan xhaketë ‘Elisabetta Franchi’, çizme ‘Stuart Weitzman’ dhe çantë të kuqe ‘Hermes’.
Georgina Rodriguez në stadiumin “Allianz” në Torino, duket thuajse njësoj por me veshje shumë më të shtrenjta, fustan xhaketë ‘Balmain’, sandale ‘YSL’ dhe minibag ‘Prada’.
