Rita Ora është e pëlqyer nga miliona fansa në mbarë botën dhe është shumë e lidhur me ta.
Ajo numëron afro 14 milionë ndjekës në Instagram, rrjet social ky në të cilin këngëtarja shqiptare është mjaft aktive.
Së fundmi Rita ka hapur zemrën e saj, duke i mundësuar një komunikim direkt në rrjetet sociale, një prej fanseve të saj më të zjarrta.
Në videon e shpërndarë në internet, Rita shihet teksa bisedon me fansen e saj, ndërsa ndjehet e befasuar, kur sheh që muri në dhomën e fanses është i mbushur me fotografi të saj, madje nuk i mban dot lotët nga ndjesia e bukur që i ka krijuar ajo pamje.
Rita me shaka i thotë asaj, se ka murin më të bukur në botë, ndërsa e pyet nëse i ka pëlqyer kënga e saj e fundit “Let you love me”.
Fansja i përgjigjet, duke i thënë se kënga i ka pëlqyer jashtë mase dhe se po e dëgjon atë vazhdimisht në makinë dhe kudo tjetër.
