Ish-Ministri i Jashtëm, Besnik Mustafaj, e ka cilësuar si një përpjekje të kryeministrit Rama për të larguar vëmendjen nga skandali i ditëve të fundit, propozimin për miratimin e një pakete antishpifje.
I ftuar në rubrikën ‘Opinion’ në News 24, Mustafaj tha se Rama nuk mund ta përfshijë shpifjen në Kodin Penal pasi, sipas tij, një gjë të tillë nuk do e lejojnë as ndërkombëtarët.
“Përpjekje për të larguar vëmendjen e opinionit publik, gazetarëve, ndërkombëtarëve nga skandali.
Nuk mund ta përfshijë në Kodin Penal shpifjen, kjo është e qartë dhe e padiskutueshme. Në 2009-ën BE vendosi si kusht heqjen e penalzimit të shpifjes nga Kodi Penal.
Shifja ekziston si pjesë e Kodit Civil. Se mund të ketë dëshirën Rama ta përfshijë në Kodin Penal është e pamundur, nuk do e lënë ndërkombëtarët, nuk do e kalojë dot as në parlament se është antidemokratike”, u shpreh Mustafaj.
