Humbja e fundin në derbin e kryeqytetit me Partizanin i ka dhënë një goditje të madhe trajnerit brazilian të bardhebluve, Ze Maria. Pas gjashtë javësh në kampionat Tirana ka marrë vetëm 5 pikë, shumë pak për arritjen e objektivave të kryeqytetasve gjatë këtij sezoni. Raporti me lojtarët nuk është i duhuri.
Marrëdhënia me kapitenin Karabeci duhet qartë, por Ze Maria ka dhe një tip të veçantë. Ai zemërohet shpejt edhe dënon lojtarët. Kështu te Tirana janë shumë futbollist që janë të pakënaqur dhe për ketë fakt duket se presidenti Refik Halili ka marrë një vendim, të shkarkojë trajnerin Ze Maria. Minutë pas minute priten zhvillime tek Tirana.
Drejtuesit duan të gjejnë gjuhën e përbashkët me brazilianin që ai të largohet me një gjuhë të përbashkët, në mënyrë që të mos kërkojë të gjitha paratë. Në të njëjtin kohë bardheblutë po kërkojnë edhe për një trajner të ri. Një ndër emrat që përflitet më shumë është Juljan Ahmataj.
Ish-futbollisti i Tiranës, vjet ishte trajner i Kamzës ku arriti një rezultat fantastik, duke i shpëtuar kryeqytetasit nga rënia një kategori më poshtë. Ahmataj gjithashtu ka drejtuar edhe skuadrën e Teutës së Durrësit. Një tjetër emër që përflitet është ai i Ardi Mema. Për momentin ai është një zëvendës trajner të Flamurtari por nëse i propozohet pozicioni i numrit 1 te bardheblutë nuk do të mendohet dy herë për të pranuar ofertën.
Ka edhe emra të tjerë që përfliten për të marrë drejtimin e Tiranës, por ajo që është e sigurtë është e ardhmja e Ze Marias, ai është shkarkuar.
