Gjykata e Krimeve të Rënda vendos shtyrjen e seancës gjyqësore për Ahmet Ajetin, i cili në vitin 2005 tentoi të vrasë Lulzim Berishën, i konsideruar si truri i “Bandës së Durrësit”.
Shkak është bërë mosnjoftimi i Lul Berishës.
Avokati i Ajetit, Sajmir Visha, kërkoi që të bëhet ekspertimi mjeko-ligjor pasi gjykimi i Ajetit është bërë në mungesë.
Visha tha se do të paraqesë kërkesën për gjykim të shkurtuar për Ahmet Ajetin.
Ahmet Ajeti u ekstradua nga Gjermania me 20 korrik 2018.
