BULQIZE – Kanos për motive të dobëta një shtetas, si dhe gjatë ndërhyrjes së policisë për parandalimin e mëtejshëm të konfliktit, kundërshton dhe godet punonjësin e policisë, Arrestohet në flagrancë 24-vjeçari.
Nga Specialistët për hetimin e Krimeve u arrestua në flagrancë shtetasi:
Rr.R, 24 vjeç, banues në Bulqizë.
Ky shtetas gjatë një konflikti për motive të dobëta me shtetasin Sh.H, 61 vjeç, ka shkuar tek banesa e këtij të fundit, duke e kanosur me fjalë dhe ka goditur dyert e banesës .
Gjatë ndërhyrjes nga ana e shërbimeve të policisë për parandalimin e mëtejshëm të konfliktit, shtetasi i lartpërmendur ka goditur dhe kundërshtuar edhe punonjësin e policisë.
Materialet proceduriale do ti referohen Prokurorisë Pranë Gjykatës së Shkallës së Parë Dibër për veprat penale “Kundërshtim i punonjësit të policisë të rendit publik”, “Kanosja”, “Dhunim banese”, parashikuar nga nenet 236, 84, 112 të Kodit Penal.
