Kreu i opozitës Lulzim Basha, ka deklaruar mbrëmjen e sotme nga studio e ‘Të Pa-ekspozuarit’, se opozita do të jetë në mbrojtje të Teatrit Kombëtar.
Ai tha se jo vetëm ai por e gjithë opozita do të jetë në krahë të artistëve.
‘Do të jem unë i pari atje, bashkë me grupin parlamentarnë krah të artistëve, për tu përballur me të gjitha mjetet dhe për ta ndaluar një akt barbar të tillë. Po ta them unë pse. Sepse ja ku është shembulli, ata që kanë dalë atje. Po të jeni të sigurtë se bashkë me mua dhe grupin parlamentar do të jenë me mijëra anëtarë të Partisë Demokratike, por nuk do të jetë ceshtje partiake. Ne do të jemi në mbështetje të një çështjeje kombëtare siç është Teatri Kombëtar. Të njëjtën gjë po them tani sepse teatri është simptomë, pasojë e sistemit. Për të ju bindur ju, nuk ka më retorikë. Ne kemi kaluar në veprime, ne kemi kaluar në vettingun politik, ne kemi kaluar në antimafia’, u shpreh Basha.
