Mediat greke publikojnë detaje të reja rreth rrëmbimit të dy djemve 11-vjeçarë në Larnaka të Qipros nga një burrë. Bëhet fjalë për një video që tregon momentin e rrëmbimit të dy nxënësve. Në pamje shihet autori i rrëmbimit që ecën para fëmijëve, ndërsa ata e ndjekin atë pas pa dyshime.
Ai i dërgoi më pas në një banesë në një bllok pallatesh aty afër, ku i mbajti për 8 orë. Gjykata e Rrethit Larnaka urdhëroi arrestimin me tetë ditë të të dyshuarit për rrëmbimin e të miturve.
Motivet mbeten ende të paqarta edhe pse dje pasdite ministri i rendit publik, Ionas Nikolaou, tha se rrëmbimi dyshohet të jetë bërë për qëllime përfitimi parash. Seanca gjyqësore u mbajt me dyer të mbyllura teksa u shoqërua nga forca të shumta policie.
Rrëmbyesi i fëmijëve është identifikuar si shtetasi George Nicolas, i cilipunonte si web designer.
Po hetohen të gjitha pistat
Policia qipriote nuk është e bindur nga deklarata e parë e rrëmbyesit “për shpërblesë”. Kjo për faktin se prindërit e fëmijëve nuk klasifikohen si të shumë të pasur. Autoritetet kanë sekuestruar kompjuterin në banesën e rrëmbyesit së bashku me një disk.Ata gjetën dhe një dokumet identifikimi falso të një mësuesi.
Ka ankesa që në të kaluarën i njëjti person u përpoq t’i afrohej një të mituri 13 vjeç, por më pas fëmija kishte refuzuar ta ndiqte atë. Meqenëse skenari i shpërblimit nuk është i sigurt, policia po heton të gjitha pistat. Disku i kompjuterit ndoshta fsheh sekretin e madh.
Çfarë ndodhi
Dy fëmijët, Themistocles Dolglis dhe Philippos Stamatakis, nga Greqia, u rrëmbyen të martën në mëngjes nga shkolla Fillore e Kamaronit në Larnaka. Të dy 11-vjeçarët u identifikuan pas tetë orësh ndërsa rrëmbyesi u arrestua dje pasdite. Babai i njërit prej fëmijëve është një mjek në Spitalin Larnaka, ndërsa nëna e tjetrit infermiere në të njëjtin spital.
