Dje ishte 1 maji. Njihet si dita e punëtorëve, por te Barcelona mbart edhe një tjetër kuptim. Dje janë mbushur plot 11 vite nga goli i parë i Leo Messit me ekipin e parë katalanas. Pikërisht, më maj 2016 janë plotësuar 11 vite nga fillimi i rrugës së një legjende të futbollit. Që nga ajo ditë, Leo Messi nuk ka ndaluar së shënuari dhe fituari, qoftë me Barcelonën, qoftë çmime prestigjioze individuale. Pesë herë “Topi i Artë”, askush tjetër në histori dhe botë si ai.
Rruga e tij e golave dhe e trofeve me fanellën blaugrana filloi që sezonin 2004-2005, me trajnerin Frank Rijkaard, kur në një ndeshje të javës së 34-t të La Liga, e luajtur në “Camp Nou”, Leo Messi hyri si zëvendësues i Samuel Eto’o. Kundërshtari ishte Albacete dhe në atë kohë rezultati ishte 1-0. Me katër minuta të mbetura deri në fund të ndeshjes, Leo Messi, me numrin “30” në shpinë, u hodh në fushë dhe revolucionarizoi lojën. Tri minuta më vonë mori një top nga shoku i skuadrës, Ronaldinho, dhe e mposhti portierin e Albacete. Gol.
Ishte sprova e parë e yllit argjentinas te Barça, për të vijuar të mahnisë tash 11 vite me radhë. Arbitri Velasco Carballo e anuloi një gol për “offside” të dyshuar, i cili, sikurse është provuar, ishte inekzistent. Portieri Valbuena, megjithatë, nuk e evitoi golin e Leo Messit. Tashmë në kohën shtesë. Ronaldinho dhe argjentinasi u kthyen për të përsëritur veprimin e mëparshëm, por këtë herë e kaluan Barcelonën në epërsi. Ai ishte goli i parë i Leo Messit, e sigurt se do të kujtohet për një jetë…
