Dy shtetas amerikanë në hetim nga DEA amerikane prej një viti fshiheshin në Tiranë ku po përgatiteshin për të prodhuar drogë sintetike.
Rreth orës 14:00 Drejtori i Departamentit te Policise Kriminale ne Policine e Shtetit Drejtues i Larte Eduart Merkaj sebashku me Prokurorin e Krimeve te Renda Besnik Muçi dolën në një konferencë për median për detaje rreth këtij operacioni
Të arrestuarit janë: ” Vincent (Dominic) De Caro, 29 vjeç, lindur dhe banues në New York, USA. Arber Isaku, 29 vjeç, lindur dhe banues në New York, USA”
Fshiheshin ne Tirane
Dy shtetasit e lindur dhe banues në New York ishin në hetim prej një viti nga DEA amerikane.
Ndaj tyre, Gjykata e Connecticut, SHBA kishte vendosur masën e sigurisë “Arrest me burg” për veprën penale “Prodhim dhe shitje të lëndëve narkotike dhe substancave psikotrope” kjo vepër e kryer nëpërmjet ‘dark web’. Keta shtetas ishin nën hetim prej 1 viti nga DEA. Ata kishin krijuar bazë dhe fshiheshin në Tiranë, ku po përgatiteshin për të prodhuar drogë sintetike”
Pas marrjes së letër porosisë dhe vendimit të Gjykatës së Krimeve të Rënda për ekzekutimin e saj, Departamenti i Policisë Kriminale në Policinë e Shtetit, pas 1 muaj hetimi në bashkëpunim me Prokurorinë e Krimeve të Rënda dhe DEA-n arriti të zbulojë bazën ku fshiheshin 2 shtetasit” tha Merkaj
Arrestimi ne Morine – Dy shtetasit amerikane ishin mbajtur nën vëzhgim nga agjentët e Policisë Kriminale në Policinë e Shtetit dhe u arrestuan në Morinë, në tentativë për t’u larguar nga Shqipëria.
Po pergatiteshin te prodhonin droga sintetike- Gjatë kontrollit në bazën ku fshiheshin dhe zhvillonin aktivitetin kriminal këta shtetas, u gjetën dhe u sekuestruan mjetet dhe prekursorët që do të shërbenin për përgatitjen e drograve sintetike si edhe një numër i madh pajisjesh elektronike.
Prokurori Muci për të treguar rëndësinë e këtij operacioni vuri në dukje këtë fakt: Amerikanët ishin në kushtet e përgatijes së drogërave shumë të forta sintetike. Jemi shumë të rrezikuar nga ky fenomen”
“Sintetiku” –Operacioni antidrogë ndërkombëtar u kodua “Sintetiku” dhe u organizua nga Policia Shtetit, Prokuroria e Krimeve të Rënda dhe DEA Amerikane.
Në operacion kanë marrë pjesë dhe agjentë të DEA dhe shume detaje te hetimit u mbajten te fshehura.
