Dy shqiptarët e arrestuar si pjesë e një grupi për trafikim të drogës në Londër kanë dalë sot para gjykatës në Hendon, me akuzën e trafikut të kokainës, nga ku pritet të merret masa dënimit të tyre.
Pashk Kolicaj, 21 vjeç dhe Ened Molla, 27 vjeç u janë sekuestruar 13 kg kokainë gjatë operacionit të policisë britanike. Ky operacion është komentuar mjaft në faqet kryesore të gazetave britanike. Prestigjozja “The Sun” shkruan se ky operacion vjen pas paralajmërimeve se Britania kërcënohet nga gangsterët shqiptarë nëse vendi do të bëhet pjesë e Bashkimit Evropian.
Trajtimi i lajmit me nuanca politike vjen pas përfshirjes së Shqipërisë në debatin mbi referendumin që do të mbahet me 23 qershor, ku do të vendoset për daljen apo qëndrimin në BE.
Ja si e trajton lajmin “The Sun”:
Një shqiptar, të cilit gjashtë javë më parë iu refuzua hyrja në Britani, u arrestua mbrëmjen e kaluar pas sekuestrimit të 1.5 milionë paund kokainë. I dyshuari, një 21¬vjeçar, u ndalua bashkë me një shqiptar tjetër kur Agjencia Kombëtare e Krimit goditi një rrjet për trafikimin drogës.
Arrestimet vijnë pasi zyrtarët e lartë Theresa May dhe Michael Gove paralajmëruan për kërcënimet që i vijnë Britanisë së Madhe nga gangsterët nga Shqipëria, që ka aplikuar për të qenë pjesë e BE¬së. “The Sun” mund të zbulojë sesi 21¬vjeçari u përpoq të hynte në Britani përmes “Stanstead Airoirt”, gjashtë javë më parë por u kthye mbrapsht. Ai besohet se ka hyrë në Britani dy javë më parë duke përdorur dokumente false.
I riu u arrestua pas një hetimi të një rrjeti kriminal për trafikimin e drogës të përfshirë në një sasi të madhe të drogës së cilësisë së lartë në Londër. Ai u kap në Stanmore, ku policia sekuestroi 3 kg kokainë ndërsa 10 kg të tjera u kapën në një tjetër banesë aty pranë. Vlera e drogës në treg do të arrinte në 1.5 milionë paund. Ai pritet të marrët në pyetje nga Policia edhe për mënyrën sesi ka arritur të hyjë në Britani. 10 për qind e të burgosurve Evropianë në Britaninë e Madhe janë nga Shqipëria.
