Një person i pamaskuar është drejtuar te tavolina ku ai ndodhej. Pasi e ka pyetur për emrin, e ka qëlluar dy herë me armë zjarri në kokë dhe është larguar me shpejtësi nga vendi i ngjarjes”, kjo është dëshmia e qytetarëve që kanë qenë në lokal dhe kanë parë vrasjen e Elton Çiça mbrëmjen e djeshme.
Sipas dëshmitarëve Elton Çiça ka qenë duke pirë kafe në lokalin “De Niro” në zonën e ish bllokut bashkë me një gazetar dhe një oficer policie teksa u ekzekutua me armë zjarri dhe gjeti vdekjen.
Dëshmitarët thanë se pasi ka dalë nga lokali, ai është larguar me një makinë nga vendi i ngjarjes. “U konstatua se te lokal ‘De Niro’ ishte plagosur me armë zjarri shtetasi Elton Çiça. I plagosuri është dërguar menjëherë për ndihmë mjekësore në spital, por me gjithë ndihmën e dhënë ai ka ndërruar jetë”, tha mbrëmë Policia e Tiranës.
Burime ende të pakonfirmuara bëjnë me dije se ngjarja e djeshme ka nisur më shumë se një vit më parë në Tepelenë. Ngjarja e raportuar nga media për dhunimin e një çifti të moshuar (viktima eshte djale i tyre) perfundoi ne faqet e shtypit.
Elton Çiça duket të jetë hakmarrë për dhunimin barbar të prindërve të tij të moshuar dhe më pas agresoret e kanë qëlluar dje atë me armë duke i shkaktuar vdekjen.
