Lionel Messi është një nga ata lojtarë të cilët vazhdimisht lënë shenjë në fushë me lojë apo edhe me sjelljen e tyre.
Rrallëherë argjentinasi është parë i nervozuar apo duke bërë gjeste antisportive, ndaj ajo që ka bërë pas ndeshjes së barazuar 2-2 me Gironën, është një nga veprimet të cilat duhen mbajtur mend.
Të gjithë lojtarët katalanas dolën të nervozuar nga fusha e “Camp Nou” për shkak të vendimeve të kryesorit Ghil Manzano dhe kjo kuptohet qartësisht nga veprimi i Messit.
Ky i fundit, i refuzoi shtrëngimin e duarve në fund të takimit kryesorit.
Nëse Pique dhe shumë lojtarë të tjerë të Barcelonës protestuan ndaj vendimeve të tij që në pushimin e ndeshjes, Messi thjesht iu afrua kryesorit dhe kur ky i fundit i zgjati dorën, argjentinasi nuk bëri të njëjtën gjë, por e pa gjithë inat dhe pastaj u largua drejt dhomave të zhveshjes.
