Kryetarja e LSI-së Monika Kryemadhi ngriti dyshime se Ylli Manjani u shkarkua nga posti i Ministrit të Drejtësisë për shkak të deklaratës së bërë: që ushtria duhet të ndërhyje për të shkatërruar kanabisin.
“Paratë që vinin nga Lazarati ndodheshin deri në Fier nga ekonomia. Policia që duan e shkatërroi Lazaratin dhe të gjithë e përkrahën. Gjithë Shqipëria u bë Lazarat. Gjithë ky kanabis, gjithë këta njerëz që e mbollën, e vaditën, prashitën, ku shkuan këto para? Të shqiptarët s’kanë vajtur se paguajnë më shumë, varfëria është rritur. I kanë marrë Rama o i kanë marrë ndërkombëtaret. Kur ministri tha të ndërhyjë ushtria u shkarkua menjëherë”, tha Kryemadhi.
Kryemadhit: Dje në Vlorë u gjet një person me kokë të prerë, u fsheh ngjarja. Më kanë survejuar familjarisht
“Dje në Llakatund të Vlorës u gjet një person me kokë të prerë dhe s’ka asnjë njoftim, u fsheh ngjarja”. Deklarata u bë nga kryetarja e LSI-së Mokina Kryemadhi në studion e emisionit “Open” në Top Channel, teksa fliste për lidhjet e politikës me krimin. Më vonë gjatë emisionit, gazetarja Eni Vasili lexoi “një reagim zyrtar” të policisë, sipas të cilit, “ngjarja ishte e pavërtetë”.
Pas kësaj, Kryemadhi u shpreh: “Do të them emrin e policit që ma tha, që e mori kufomën? Emrin e shoferit që e transportoi kufomën? Nuk e them se i marr në qafë por kjo do të bardhet”.
“Politika tashmë është bërë argat e krimit për hir të së vërtetës. Ne e shikojmë që ne si opozitë pak nga pak dhe kjo është arsyeja që po fillojmë të veprojmë e të largohemi. Nuk mund të jemi fasadë e as bojërat e pikturës të telajos që na paraqitet nga Kryeministri bashkë me krimin. Se ajo q ë shikojmë ne është shumë e rëndësishme, prezenca e kriminelëve në zyrat e shtetit. Nuk hyn krimineli, por hyn e dashura e tij, hyn motra e tij, bashkëshortja. Mjafton të shikosh insta-story e të dashurave e grave e drug-dealer shqiptarë, është më se e mjaftueshme se si i kemi prezent në zyrat e Kryeministrit”, u shpreh githashtu Kryemadhi.
Kryetarja e LSI-së tha gjithashtu se është survejuar nga organet ligjzbatuese.
“Unë jam survejuar nga SHISH, nga Policia, nga struktura e kësaj qeverie nga pastrimi i parave, jo vetëm unë por të gjithë deputetët edhe familjarët tanë”.
