Java e pestë e Kategorisë Superiore do të vijë me përballje tepër emocionuese ku spikasin, Partizani-Flamurtari dhe Skënderbeu-Teuta.
Skuadra e Dajës do të kërkojë një rezultat pozitiv në kryeqytet pas humbjes ndaj Skënderbeut, përballë një Partizani të etur për pikë. Kjo sfidë është parashikuar të zhvillohet ditën e premte në orën 19:45
Dita e shtunë do të vijojë me sfidën Luftëtari-Teuta që do të zhvillohet në orën 15:45 dhe Skënderbeut-Tirana. Gjirokastritët do të kërkojnë pikët e para në kampionat pas 4 javësh për tu harruar, ndërkohë që Teuta vjen në këtë përballje pas humbjes në shtëpi ndaj Kukësit.
Një sfidë tepër emocionuese pritet të jetë ajo në Korçë mes Skënderbeut dhe Tiranës. Të dy skuadrat vijnë në këtë takim pas fitoreve në javën e katërt dhe do të kërkojnë të japin maksimumin. Kastrioti-Laçi dhe Kukësi-Kamzë janë 2 sfidat e ditës së diel. Dy “mini-derbi” tepër interesant ku lufta sportive është e garantuar.
E PREMTE, 21 SHTATOR
ORA: 19:45
PARTIZANI-FLAMURTARI
E SHTUNË 22 SHTATOR
ORA 15:45
LUFTËTARI-TETUTA
ORA 18:45
SKËNDERBEU-TIRANA
E DIEL 23 SHTATOR
ORA 15:45
KASTRIOTI-LAÇI
ORA 18:45
KUKËSI-KAMZA
