Serialet turke janë kthyer në të preferuarit për shumë njerëz nga e gjithë bota. Teksa i shohim në ekran ata duken shumë argëtues dhe shpesh herë na përfshijnë emocionalisht.
Ndoshta ndonjëherë realizimi i tyre duket i thjeshtë, por pas tyre fshihet një punë kolosale, e cila kërkon shumë lodhje.
Në një shkrim dedikuar punës së ekipit të realizimit agjencia e lajmeve “AFP” shkruan, se aktorët punojnë nga 27 orë pa ndalim dhe shpesh përballen me terrene të vështira.
Rreth një vit më parë një kameraman ndërroi jetë teksa xhironte në një majë të thepisur. Kjo ishte një situatë fatale për të gjithë stafin.
Ndërsa në vitin 2014-të një kameraman tjetër ndërroi jetë pas një ataku në zemër, i cili erdhi si pasojë e punës prej 48 orë.
