Një ngjarje e pazakontë vjen këtë radhë nga kryeqyteti i Koresë së Jugut, Seouli. Një grup prej 12 studentësh kanë ngrënë shumë fast food-e me qëllim që t’i shpëtonin ushtrisë.
Ata u përpoqën për disa kohë me rradhë që të shtonin në peshë, në mënyrë që të cilësoheshin si të papërshtatshëm për të bërë shërbimin ushtarak, por tani rrezikojnë të dënohen me 5 vite burg.
Koreja e Jugut i detyron të gjithë qytetarët meshkuj që të kryejnë shërbimin e detyruar ushtarak, me përjashtim të shumë pak njerëzve, si atyre me aftësi ndryshe, etj.
Më parë këtë vit, një 21-vjeçar u dënua me 1 vit burg, pasi shtoi 30 kg në vitin 2016, për të shmangur shërbimin ushtarak.
