Një person ka mbetur i plagosur me armë zjarri orët e para të mëngjesit të së premtes gjatë një operacioni të forcave RENEA në fshatin Remas të Divjakës.

Operacioni policor për kapjen e një të shumëkërkuari është zhvilluar në orën 4 të mëngjesit, kur raportohet se ka pasur edhe të shtëna gjatë kontrolleve në 7 shtëpi të fisit Lika.

Sipas banorëve të cituar nga “ABC News”,  forcat RENEA kanë qëlluar me armë duke plagosur rëndë në kokë 77-vjeçarin Haxhi Lika, i cili pretendohet se ndodhej në gjumë.

Banorët po ashtu pretendojnë se janë dhunuar fizikisht nga forcat RENEA.