Megjithëse shpesh e ka konsideruar veten si lider i rajonit duke e pozicionuar veten në një rol të tillë, kryeministri shqiptar, Edi Rama konsiderohet si lideri më i dobët dhe i parëndësishëm në Europë.
Në një renditje të liderve ndërkombëtar nga revista prestigjioze “Politico” Edi Rama vlerësohet si më i parëndësishmi në Europë dhe bashkë me të edhe ambasadorja e Shqipërisë në BE, Suela Janina.
Në këtë renditje Rama figuron edhe më poshtë se lideri autoritar i Maqedonisë, Nikolla Gruevski. Në fund të artikullit “Politico” jep edhe metodologjinë e përdorur për vlerësimin e liderave europianë, duke marrë në analizë shumë aspekte. “Politico”, njihet gjerësisht si një organ mediatik afër Bashkimit Europian.
Vendi i parë në këtë klasifikim i takon kancelarës gjermane Angela Merkel, vendi i dytë kryeministrit britanik David Cameron dhe vendi i tretë presidentit francez Francois Hollande.
Renditja paraqet se cilët lidera kombëtar janë efektivë në kombinimin e forcave me ambasadorët e vendit të tyre në Bashkimin Europian për të siguruar pushtet dhe influencë brenda BE. Sa i përket kryeministrave dhe presidentëve matrica u përgjigjet pyetjeve të tilla si:
A kanë një qeveri stabël? A e qeverisin vendin dhe a e përcaktojnë agjendën e tij politike?
A kanë këtë udhëheqës një strategji koherente dhe pozita të forta negociuese në Europë?
Ky ‘zhgënjim’ nga vendi që i është caktuar kryeministrit Edi Rama vjen ndërkohë që ai si një lider i përmasave botërore ka folur për çështje të rëndësishme ndërkombëtare, madje duke kritikuar edhe disa prej liderve për politikën e tyre. Së fundmi, Rama foli kundër kandidatit republikan për Shtëpinë e Bardhë, Donald Trump si dhe ministrit britanik të drejtësisë Michael Gove, ndaj të cilit publikoi edhe një artikull për çështjen e Brexit.
